The Universal House of Justice

Ridván 2020

To the Bahá’ís of the World

Dearly loved Friends,

Tupela samting i wok long kamap nau i mekim mipela i laik tokim yupela ol dispela toktok. Nambawan as toktok em long olgeta hap long graun i wok long save gut nau long ol nogut na bikpela poret dispela sik korona (covid-19) i kisim i kam. Long planti kantri, maski planti i wok wantaim na soim strong long abrusim dispela birua, tasol dispela hevi i kamap bikpela tru, kamapim bikpela bagarap long ol pamili na wanwan man na i kisim olgeta sosaiti igo insait long bikpela hevi. Si bilong pen na sore i kamap long wanpela hap igo long narapela, na bai i daunim narapela narapela nesen , long narapela taim, na long narapela rot.

Namba tu samting, em wanpela i kamap ples klia olgeta dei, em dispela strongpela tingting na long stap strong na gro bilong Bahá’í wol long taim bilong traim we yumi ino inap lus tingting lo em. Na bekim bilong yupela i gutpela tru. Taim mipela i rait long yupela wanpela mum igo pinis long Naw-rúz, mipela i laik long toktok moa long ol strongpela na gutpela pasin ol komyuniti i soim taim wok bilong ol long komyuniti i stop. Olgeta dispela i kamap long ol wik i kam, long dispela taim planti ol pren i mas behainim ol strongpela tok tambu, i wokim mipela i i pilim bikpela laikim tru long yupela. Lainim long ol save mipela i kisim long narapela hap long graun, sampela komyuniti i painim saifpela na kainkain rot bilong karimaut ol toktok lukaut bilong public helt igo long olgeta manmeri. Spesol lukaut igo long ol lain husait bai hariap long kisim sik na disepla sik i bringim bikpela hevi long ikonomi; ol tingting i kamap long Bahá’í Wol Nius Sevis long dispela hevi em i liklik tasol planti bai i kam yet. Ol dispela i traim long skelim, mekim i go het, na mekim ol gutpela pasin yumi nidim long dispela taim. Kain ol pasin olsem i kamap insait long pamili o wanwan man, tasol long wanem hap ples i orait o ol samting bilong toktok igo kam i mekim em isi, na dispela tingting bilong lukaut gut na stap tasol long haus i kamap nomol namel long ol soul i stap long wankain hevi. Na strong bilong laip bilong komyunit, i bikpela samting tru bilong olgeta imas wok bung wantaim long go het, bai ino inap daunim,

Spirit bilong mipela igo antap tru taim mipela i lukim olsem wanem Nesenel Spiritual Asembli , ol Ami bilong Lait ino save les, i gaidim ol komyuniti na i helpim ol long olsem wanem ol i ken bekim/rispon long dispela taim nogut. Ol Kaunsila na ABM i givim strongpela sapot, husait olgeta taim, i save wokim bikpela wok long apim igo antap mak bilong givim sevis wantaim lav. Na taim ol i kisim moa stori olgeta dei long save gut long wanem kain ol senis iwok long kamap long kantri bilong ol, ol Asembli i stretim ol samting ol i nidim long lukautim wok bilong lotu, na moa yet long wokim ol ileksen,we ol displea bai kamap orait or nogat. Long toktok igo kam olgeta taim,ol institut na agensi i givim gutpela toktok, givim bel isi, na givim tok stia olgeta taim. Long planti taim olsem, ol i stat long mekim ol gutpela as tingting long ol toktok i wok long kamap insait long sosaiti bilong ol. Na toktok mipela i toktok insait long leta bilong Naw-Rúz olsem dispela tes long traim olgeta manmeri sapos ol bai sanap strong bai i givim bikpela save true em yumi luksave pinis long em. Ol lida, ol man bilong tingting, na ol man bilong toktok bilong ol long nius, i stat long painim bikpela tingting na ino pret long givim tingting bilong ol olsem, long dispela taim, ino stap long toktok bilong pablik. Tasol long nau, ol dispela em toktok tasol, na i givim aut olsem bai igat sans long olgeta i mas wok wantaim wanpela tingting bai i kamap.

Dispela bel isi mipela i kisim long lukim dispela strong bilong Bahá’í wol i kamapim em yet ples klia long aksen i soim sore bilong mipela long ol hevi dispela sik i givim long ol manmeri. Tarangu, mipela i save ol bilip manmeri na ol lain bilong ol i sharim wankain pen. Dispela space namel lo ol pren na narapela pamili bilong ol, long behainim ol toktok bilong pabik saifti, planti ol manmeri tru nau i stap strong, tasol long sampela, i givim rot ol i bruk olgeta. Long olgeta moning i luk tru olsem bai planti moa pen i kamap bipo long sun i go daun. Bai pawa bilong promis bilong bung wantaim insait long kingdom ino nogat pinis bilong em bai i givim gutpela toktok long husait ol lusim ol lav wan bilong ol. Mipela i prea long bel bilong ol i ken stap isi, na marimari bilong God long karamapim ol husait skul, stap bilong ol, stap long haus, o long rot bilong kisim supot bilong ol i stap long hevi. Bilong yu, na bilong ol lain yu laikim tumas, na olgeta ol lain long kantri bilong yu, mipela askim Bahá’u’lláh long blesing na marimari bilong em

Tasol dispela longpela rot yumi mas behainim, mipela igat bikepla bilip tru long strong na bilip bilong yupela long behainim dispela rot igo long pinis bilong em. Yupela i kisim long stoa bilong hop, bilip na olgeta gutpela pasin, long putim nid bilong ol narapela pastaim long yupela yet, helpim ol husait ol ino strong, husait ol i laik painim yet ol ansa long inapim ol, na ol dispela igat bikpela laik tru na i wetim tasol long kisim sans long wokim wok long kamapim gutpela sindaun long graun. Long ol stap strong long behainim dispela Man, Husat I Gutpela Olgeta na Em I Gat Blessing, olsem wanem bai yumi wetim liklik?

- The Universal House of Justice